Listo de ĉiuj partoj ⇐ Al la antaŭa parto Al la posta parto ⇒
La bazan tekston origine enkomputiligis Flandra Esperanto-Ligo
Kreis la Esperantan tekston: diversaj personoj
Proksimuma verkojaro: 2012-2018
La artikoloj origine aperis en Monato: http://www.esperanto.be/fel/mon/.
La artikoloj havas ĉi tie "(xml:)id"-atributon ("monato-2012-010403" ĝis "monato-2018-012399"), kies cifera parto egalas al la jaro de publikigo kaj la numero de la artikolo.
La 15an de marto Raúl Castro Ruz, la prezidento de Kubo, akceptis la prezidenton de Kenjo Uhuru Muigai Kenyatta, kiu oficiale vizitis la kariban landon.
Kadre de la vizito la kenja gasto omaĝis al la kuba nacia heroo José Martí per flora krono sur la Placo de la Revolucio, kaj ankaŭ al la kenja ĉefo Jomo Kenyatta, sia patro, konsiderata la patro-fondinto de la kenja nacio, kies buston li senvualigis en la ĉefurba Parko de Afrikaj Patriotoj.
La prezidento de Kenjo partoprenis ankaŭ en la inaŭguro de la diplomata misiejo de tiu ĉi afrika lando en Havano. Ĝi iĝis la unua kenja ambasado en Karibio. Samtempe li senvualigis memortabulon pri tiu ĉi okazo kaj prezidis la subskribon de interkonsento inter la du registaroj.
Ambasadejo de tiu orient-afrika lando staras en la kuba ĉefurbo ekde la jaro 2016, sed nur nun oni ĝin oficialigis.
Monica K. Juma, la kenja ministro pri eksteraj rilatoj kaj internacia komerco, diris, ke la inaŭguro de la ambasado estas evento historia por la du landoj kaj ke ĝi malfermas perspektivojn por kunlabori en tuja kaj posta estonteco, interalie en la sfero de sanprotektado.
Juan Carlos Montero Medina
korespondanto de Monato en Kubo