Listo de ĉiuj partoj ⇐ Al la antaŭa parto Al la posta parto ⇒
La bazan tekston origine enkomputiligis Flandra Esperanto-Ligo
Kreis la Esperantan tekston: diversaj personoj
Proksimuma verkojaro: 2012-2018
La artikoloj origine aperis en Monato: http://www.esperanto.be/fel/mon/.
La artikoloj havas ĉi tie "(xml:)id"-atributon ("monato-2012-010403" ĝis "monato-2018-012399"), kies cifera parto egalas al la jaro de publikigo kaj la numero de la artikolo.
Aperis lastatempe en Albanio nova politika partio: Ruĝ-nigra Alianco (Aleanca Kuq e Zi). La nomo aludas la kolorojn de la albana flago.
La du ĉefaj sloganoj de la partio jenas: nacia unuiĝo antaŭ EU-integriĝo kaj batalo kontraŭ korupto.
La partio konsistas plejparte el gejunuloj, kiuj i.a. protestas kontraŭ vizitoj de ekstremaj politikistoj. Tiuj inkluzivas anojn de la ekstremdekstra greka grupo “Ora Aŭroro”, kiun kelkaj taksas nazia.
Rapide kreskas la membraro de la alianco, kio alarmas la ĉefajn partiojn. Pro tio kaj demokratoj kaj socialistoj komencis “pruntepreni” ideojn de la nova partio kaj ilin uzi en siaj kampanjoj.
La ĉefministro Sali Berisha, en paroladoj okaze de la centjariĝo de la sendependeco de Albanio, surprize sin prononcis kontraŭ albanofobio ankoraŭ floranta ĉe najbaroj grekaj-slavaj.
Berisha proponis al la parlamento aprobi leĝon, laŭ kiu ĉiu albano ricevu pasporton de la Respubliko Albanio. Temus pri ĉirkaŭ sep milionoj da novaj civitanoj nun loĝantaj ekster Albanio.
Krome li subtenis iniciatojn favore al unuiĝo ekonomia, kultura, eduka, inter Albanio kaj Kosovo. Tio provokis reagojn i.a. en la EU-parlamento.
Bardhyl Selimi